৫৫ দিনে নিৰ্বাপিত নহ'ল বাঘজানৰ অগ্নিকাণ্ডঃ টিপুক-বাঘজান সংযোগী পথৰ গটং তিনিআলিত পথ অৱৰোধ কৰি তীব্ৰ প্ৰতিবাদ

ডুমডুমাঃ আজি ৫৫ দিনে নিৰ্বাপিত নহ'ল বাঘজান তৈলখাদত সংঘটিত অগ্নিকাণ্ড। তৈলখাদ অগ্নিকাণ্ডৰ ফলত বাঘজানৰ ৭/৮ কি.মি. ব্যাসাৰ্ধৰ অঞ্চল পৰ্যন্ত সৃষ্টি হৈছে ভূ-কম্পনৰ। যাৰ পৰিপেক্ষিতত বৃহত্বৰ অঞ্চলটোৰ কেইবাখনো গাঁৱৰ লোকসকল ব্যাপক সমস্যাৰ সন্মুখীন হ'বলগীয়া হৈছে। ভূ-কম্পনৰ ফলত কণ-কণ শিশু, বৃদ্ধকে ধৰি গৰ্ভৱতী মহিলাসকল শংকিত হৈ পৰিছে। শংকিত গটং গাঁৱবাসীয়ে আজি টিপুক-বাঘজান সংযোগী পথৰ গটং তিনিআলিত পথ অৱৰুধ কৰি প্ৰতিবাদ সাব্যস্ত কৰে। উল্লেখযোগ্য যে, ডুমডুমা-বাঘজান সংযোগী পথত থকা এখন দলং কিছুদিন পূৰ্বে খহি পৰিছিল। যাৰবাবে বাঘজান তৈলখাদলৈ অইল ইণ্ডিয়াৰ বাহনসমূহ টিপুক-কৰ্দৈগুৰী-দিয়ামুলী হৈ আহ-যাহ কৰিছিল। এই পথছোৱাও অইল ইণ্ডিয়াৰ বাহনসমূহ চলাচলৰ ফলত নষ্ট হৈছে। শীঘ্ৰেই এই সকলো সমস্যা সমাধানৰ দাবীত পথ অৱৰোধ কৰি প্ৰতিবাদ সাব্যস্ত কৰে।