কৰ'ণা ভাইৰাছত আক্ৰান্ত ৰোগীৰ সংখ্যা বাঢ়ি যোৱাৰ লগে লগে বৃদ্ধি পাইছে কন্টেইনমেন জ'নৰ সংখ্যা

খাৰিজা বিজনীঃ বাক্সাৰ বাৰাপেটা গাঁৱৰ কটিয়াধাৰা ব্লকত এগৰাকী শিশু কৰ'ণা ভাইৰাছত আক্ৰান্ত হোৱাৰ পাছতে কন্টেইনমেন্ট জ'ন হিচাপে ঘোষণা কৰে চুবুৰীটো৷ শালবাৰী মহকুমাৰ মহকুমাধিপতিৰ নিৰ্দেশ মৰ্মে জালাহ ৰাজহ চক্ৰৰ লাট মণ্ডল গাঁওখনত উপস্থিত হৈ কটিয়াধাৰা আৰু আমগুৰী চুবুৰীৰ প্ৰৱেশপথ সমূহ বন্ধ কৰি কন্টেইনমেন্ট জ'ন ঘোষণাৰ বেনাৰ আঁৰি দিয়ে৷ অত্যাৱশ্যকীয় সেৱাৰ বাহিৰে আন সেৱাসমূহ গাঁওখনত প্ৰৱেশ বা প্ৰস্থানত বাধা আৰোপ কৰা হৈছে৷ বিশেষ কাৰণত স্থানীয় লাবদাংগুৰী উপ আৰক্ষী চকীৰ ভাৰপ্ৰাপ্ত আৰক্ষী বিষয়াৰ অনুমতি সাপেক্ষেহে যাতায়ত কৰিব পাৰিব বুলি জনায় লাট মণ্ডলগৰাকীয়ে৷ গাঁওবাসীক কৰ'না মহামাৰিৰ পৰা ৰক্ষা কৰাৰ উদ্দেশ্যে চৰকাৰে বান্ধি দিয়া সকলো নীতি নিয়ম মানি চলিবলৈ আহ্বান জনায় লাট মণ্ডলগৰাকীয়ে৷