নগাঁৱৰ কঠিয়াতলীত চাহ শ্ৰমিকৰ দৈনিক মজুৰি ৩৫১ টকালৈ বৃদ্ধিৰ দাবীত ধৰ্ণা কাৰ্যসূচী অসম চাহ জনজাতি ছাত্ৰ সন্থাৰ

কামপুৰঃ সমগ্ৰ অসমৰ লগতে নগাঁও জিলাৰ কঠিয়াতলীতো চাহ জনজাতি ছাত্ৰ সন্থাৰ তীব্ৰ প্ৰতিবাদ সাব্যস্ত কৰে৷ কন্দলী চাহ বাগানৰ শ্ৰমিকসকলে বিয়লি চাৰি বজাৰ পৰা দুই ঘণ্টীয়া ধৰ্ণা কাৰ্যসূচী ৰূপায়নৰে চৰকাৰক সকীয়নি দিয়ে৷

কন্দলী চাহ বাগিচা কাৰ্যালয়ৰ সন্মুখত চাহ জনজাতি ছাত্ৰ সন্থাৰ নগাঁও শাখাৰ উদ্যোগত আৰু কঠিয়াতলী উপ শাখাৰ চাহ শ্ৰমিকৰ সহযোগত কন্দলী চাহ-বাগিচাৰ কাৰ্যালয়ৰ সন্মুখত চাহ  জনজাতি ছাত্ৰ সন্থাই তীব্ৰ প্ৰতিবাদ সাব্যস্ত কৰে৷

চাহ শ্ৰমিকৰ দৈনিক মজুৰি ৩৫১ টকালৈ বৃদ্ধি, জনজাতি কৰণ, মাটিৰ পট্টা প্ৰদান, বিভিন্ন সমস্যা সমাধানৰ দাবীত তীব্ৰ প্ৰতিবাদ কৰে৷ শীঘ্ৰেই দাবীসমুহ চৰকাৰক কাৰ্যকৰী কৰণৰ দাবী জনায়৷ অন্যথা অনাগত দিনত চৰকাৰৰ বিৰুদ্ধে ভয়াৱহ আন্দোলনৰ কাৰ্যসূচী গ্ৰহণ কৰিব বুলি সকীয়াই দিয়ে৷