09/08/2020 - 16:32
in
বৰপেটাঃ বৰপেটাৰ চহৰৰ সমীপৱৰ্তী পাটবাউসীত লোমহৰ্ষক হত্যাকাণ্ড৷ এজন যুৱকক হাত-ভৰি বান্ধি নৃশংসভাৱে হত্যা৷ নিজ ঘৰৰ পিছফালৰ পুখুৰীত উদ্ধাৰ যুৱক জনৰ মৃতদেহ৷ হত্যাৰ বলি হোৱা যুৱকজনৰ নাম টিংকুমণি দাস৷ ৩২ বছৰীয়া টিংকুমণি পঞ্চায়ত আৰু গ্ৰামোন্নয়ন বিভাগৰ কৰ্মচাৰী৷ কালি সন্ধিয়া প্ৰায় ৫ বজাৰ পৰা নিখোজ হৈ আছিল টিংকুমণি৷
নিশা ৯ বজাত নিজ গৃহৰ পিছফালৰ পুখুৰীত উদ্ধাৰ হয় টিংকুমণিৰ মৃতদেহ৷ হত্যাকাৰী আৰু হত্যাকাণ্ডৰ কাৰণ সন্দৰ্ভত এই পৰ্যন্ত কোনো কথা জানিব পৰা হোৱা নাই৷ ঘটনাস্থলীত উপস্থিত হৈ আৰক্ষীৰ তদন্ত আৰম্ভ৷ ফেচবুকত গল্প, কবিতা, উপন্যাস আদি লিখি পঢ়ুৱৈৰ সমাদৰ লাভ কৰিবলৈ সক্ষম হোৱা অমায়িক স্বভাৱৰ টিংকুমণিৰ মৃত্যুক লৈ অঞ্চলজুৰি চাঞ্চল্য।