কাকপথাৰ মৃদংপৰাত অসম বৈষ্ণৱ সভা তিনিচুকীয়া জিলা সমিতিৰ উদ্যোগত গাঁৱৰ চহা কৃষকে খেতি আৰম্ভ কৰাৰ পূৰ্বে বিশ্ব শান্তিৰ বাবে ভাগৱত পাঠ

কাকপথাৰঃ এফালে বিশ্বত ক’ৰনা মহামাৰীৰ সংহাৰ আনহাতে বৃদ্ধি পাবলৈ ধৰিছে গড়াখহনীয়া, হত্যা হিংসা, অপায়-অমংগল৷ দেশৰ বিভিন্ন ৰাজ্যৰ লগতে অসমৰ বিভিন্ন জিলাত ক’ভিড পৰিস্থিতিৰ বাবে অব্যাহত আছে চৰকাৰী নীতি-নিৰ্দেশনা৷ সমান্তৰালকৈ ৰাজ্যত আৰম্ভ হবলৈ ধৰিছে কৃষিৰ সময়৷ গাঁৱৰ চহা কৃষকসকলে আৰম্ভ কৰিছে পথাৰত কঠিয়া সিঁচিবলৈ৷

ইয়াৰ লগত সংগতি ৰাখি কাকপথাৰৰ মৃদংপৰা ৰতন পুৰীয়া নামঘৰত অসম বৈষ্ণৱ সভা তিনিচুকীয়া জিলা সমিতিৰ উদ্যোগত ৰতন পুৰীয়া নামঘৰৰ ভক্তপ্ৰাণ ৰাইজৰ সহযোগত দিনযোৰা কাৰ্যসূচীৰে অনুষ্ঠিত কৰে ভাগৱত পাঠ৷ বিশ্বত ক’ৰনা মহামাৰী, গড়াখহনীয়া, হত্যা হিংসা , অপায় অমংগল নাশ হোৱাৰ লগতে বিশ্ব শান্তিৰ উদ্দেশ্যে ক’ভিড প্ৰটকল পালন কৰি সীমিত ভক্তপ্ৰাণ ৰাইজৰ উপস্থিতিত অনুষ্ঠিত কৰে এই ভাগৱত পাঠৰ কাৰ্যসূচী৷