কাকপথাৰ উচ্চতৰ মাধ্যমিক বিদ্যালয়ত ক'ভিড ভেকচিন প্ৰদান কৰি থকা চিকিৎসা কৰ্মীসকলক সম্বৰ্ধনা যুৱ ছাত্ৰ পৰিষদৰ

কাকপথাৰঃ কাকপথাৰ উচ্চতৰ মাধ্যমিক বিদ্যালয়ত ক'ভিড ভেকচিন প্ৰদান কৰি থকা চিকিৎসা কৰ্মীসকলক সম্বৰ্ধনা জনায় অসম জাতীয়তাবাদী যুৱ-ছাত্ৰ পৰিষদে৷ সংগঠনটোৰ কাকপথাৰ আঞ্চলিক সমিতিৰ উদ্যোগত আজি ভেকচিন প্ৰদান কৰি থকা চিকিৎসা কৰ্মীসকলক ফুলাম গামোছা, এটি খাদ্যৰ টুপোলা আগবঢ়াই সম্বৰ্ধনা জনোৱাৰ লগতে সেৱা আগবঢ়াই যোৱাৰ বাবে ধন্যবাদ জ্ঞাপন কৰে৷ উক্ত কাৰ্যসূচীত যুৱ ছাত্ৰ পৰিষদৰ কেন্দ্ৰীয় সমিতিৰ সহকাৰী সম্পাদক সুৰজিৎ মৰাণ, জিলা সমিতিৰ উপ সভাপতি সোণমনি চলিহাকে ধৰি বহুকেইজন বিষয়ববীয়া উপস্থিত থাকে৷