নগৰবেৰাঃ দেওবাৰৰ পুৱা ১১ বজাৰ পৰা আৰম্ভ হোৱা এই বিতৰণ কাৰ্যসূচীৰ পূৰ্বে নগৰবেৰা উঃ মাঃ বিদ্যালয়ত সভা অনুষ্ঠিত হয়। সভাত সমল ব্যক্তি হিচাপে উপস্থিত থাকে বকো সমষ্টিৰ বিধায়িকা নন্দিতা দাস। সমাজ কল্যাণ বিভাগৰ তৰফৰ পৰা মুঠ ১৬০ গৰাকী হিতাধিকাৰীলৈ বিতৰণ কৰা হয় সামগ্ৰী সমূহ বিতৰণ কৰা সামগ্ৰীবোৰৰ ভিতৰত ককাঁল আৰু ভৰিত পিন্ধা বেল্ট, শ্ৰৱণ যন্ত্ৰ, তিনিচকীয়া চাইকেল আদি।
ALIMCO নামৰ কোম্পানীৰ উদ্যোগত পূৰ্বে প্ৰস্তুত কৰা হিতাধিকাৰী তালিকাৰ ভিত্তিত এই বিতৰণ কৰা হয় এইসমূহ। নগৰবেৰা উঃ মাঃ বিদ্যালয় প্ৰাংগণত হিতাধিকাৰী সকলৰ উপৰি এই বিতৰণ পৰ্বত সমাজ কল্যাণ বিভাগৰ কৰ্মী-সহায়িকাৰ লগতে ৰাইজৰ যঠেষ্ট সমাগম দেখা গ’ল। প্ৰয়োজনীয় সামগ্ৰীসমূহ লাভ কৰি বিশেষভাৱে সক্ষম লোকসকলৰ মুখতো বিৰিঙিল সন্তুষ্টিৰ হাঁহি।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।