জামুগুৰিহাটঃ জামুগুৰিহাটৰ শলগুৰি গাঁৱৰ প্ৰয়াত সমাজকৰ্মী, শংকৰী সাধক, সমাজ সংগঠক গোবিন বৰাৰ প্ৰথম মৃত্যু বাৰ্ষিকী উপলক্ষে এখনি স্মৃতিচাৰণ সভা অনুষ্ঠিত হয়৷ প্ৰয়াত গোবিন বৰাৰ বাসগৃহত সোমবাৰে অঞ্চলটোৰ বিভিন্ন অনুষ্ঠান-প্ৰতিষ্ঠান দল-সংগঠনৰ বিষয়ববীয়া সদস্যই গোবিন বৰাৰ স্মৃতিচাৰন কৰাৰ লগতে তেওঁৰ প্ৰতিচ্ছবিত শ্ৰদ্ধাঞ্জলি জ্ঞাপন কৰে৷
প্ৰয়াত গোবিন বৰাৰ স্মৃতিচাৰণ কৰি শলগুৰি গাঁৱৰ শিক্ষক সমাজকৰ্মী প্ৰমোদ বৰাই কয়-গোবিন বৰা এই অঞ্চলৰ পথ প্ৰদৰ্শক৷ চেউনী বটদ্ৰবা থান, শলগুৰি বিহুমেলা, চেউনী বটদ্ৰৱা সত্ৰৰ উপৰি জামুগুৰিহাটৰ বিভিন্ন সামাজিক, ধৰ্মীয়, সাংস্কৃতিক অনুষ্ঠানৰে জৰিত গোবিন বৰা প্ৰকৃতাৰ্থত এগৰাকী সমাজগঢ়া ব্যক্তি আছিল৷
শ্ৰদ্ধাঞ্জলি অনুষ্ঠানত অংশগ্ৰহণ কৰি প্ৰয়াত গোবিন বৰাৰ স্মৃতিচাৰণ কৰে-মহাপুৰুষ শ্ৰীমন্ত শংকৰদেৱ নামধৰ্ম সমাজৰ জিলাৰ সভাপতি সম্পাদক, জামুগুৰি আঞ্চলিকৰ সভাপতি সম্পাদক, চেউনী বটদ্ৰবা সত্ৰ আৰু থানৰ বিষয়ববীয়াসকলে৷ দুপৰীয়া প্ৰয়াত বৰাৰ বাসগৃহত মহাপুৰুষ শ্ৰীমন্ত নামধৰ্ম সমাজৰ ভকত বৈষ্ণৱ সকলে নাম প্ৰসংগ অনুষ্ঠিত কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।