জামুগুৰিহাটঃ জামুগুৰিহাটৰ ইটাখোলা উপ আৰক্ষী চকীৰ অধিনৰ বালিজুৰিৰ তেজালপট্ৰীৰ পৰা এজন ১৩ বছৰীয়া কিশোৰ নিৰুদ্দেশ হোৱা ঘটনাই চাঞ্চল্যৰ সৃষ্টি কৰিছে৷ ঘটনাৰ বিৱৰণী অনুযায়ী যোৱা ১৭ চেপ্তেম্বৰত তেজালপট্ৰী চাহ-বাগিছাৰ খেল পথাৰত অনুষ্ঠিত ঝুমুৰ নৃত্য চাবলৈ যোৱাৰ পৰাই এই পৰ্য্যন্ত নিৰুদ্দেশ হৈ আছে কিশোৰজন৷
কিশোৰজন নিৰুদ্দেশ হোৱা সন্দৰ্ভত স্থানীয় ইটাখোলা উপ আৰক্ষী চকীত এজাহাৰ দাখিল কৰিছিল যদিও আজিকোপতি কিশোৰটিৰ কোনো সন্ধান নোলোৱাত চিন্তিত হৈ পৰিছে পৰিয়ালবৰ্গ৷ উল্লেখ্যযে আজিৰ পৰা ৪ বছৰ পূৰ্বে কিশোৰজনক গোৱালপাৰাৰ পৰা মোমায়েক সজল দেই তেজালপট্ৰীলৈ আনি পঢ়া-শুনাকে ধৰি সম্পূৰ্ণ দ্বায়িত্ব বহন কৰিছিল৷ ৪'৩০ দৈৰ্ঘ্যৰ মিঠাবৰণীয়া কিশোৰজনৰ কিবা সম্ভেদ পালে স্থানীয় আৰক্ষীৰ লগতে 6002450039 নম্বৰত যোগাযোগ কৰিবলৈ অনুৰোধ জনাইছে কিশোৰটিৰ পৰিয়াল বৰ্গই৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।