ডুমডুমাঃ তিনিচুকীয়া জিলাৰ ডুমডুমাৰ শুকানগুৰি চাহ-বাগিচাৰ এগৰাকী যুৱকে এক দুঃসাহসীক কাৰ্য্য কৰিবলৈ আগবাঢ়িছে| ডুমডুমাৰ পৰা দিল্লীলৈ পদযাত্ৰাৰ সিদ্ধান্ত লৈ চাহ শ্ৰমিক যুৱক গৰাকীয়ে সকলোকে আচম্বিত কৰি আজি পদযাত্ৰা আৰম্ভ কৰে| ৰাজেশ মহানন্দ নামৰ প্ৰায় ৩৫ বছৰীয়া যুৱক গৰাকীয়ে সাম্প্ৰতিক দেশৰ বিভিন্ন সমস্যাসমূহৰ লগতে চাহ জনগোষ্ঠী-আদিবাসীসকলৰ জলন্ত সমস্যাসমূহ সমাধানৰ দাবীত এই পদযাত্ৰা আৰম্ভ কৰিছে|
যুৱক গৰাকীয়ে জানিবলৈ দিয়া মতে প্ৰায় ৫ হাজাৰ কিলোমিটাৰৰ পদযাত্ৰা সমাপন কৰিবলৈ প্ৰায় তিনিমাহ সময়ৰ প্ৰয়োজন হব| সদৌ আদিবাসী ছাত্ৰ সন্থা ডুমডুমা আঞ্চলিক সমিতিয়ে ৰাজেশ মহানন্দক সম্বৰ্ধনা জনাই যুৱক গৰাকীৰ পদযাত্ৰা সফল হোৱাৰ কামনা কৰে|
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।