পূৱ বৰপেটাঃ বৰপেটা জিলাৰ বৃহত্তৰ চেঙা অঞ্চলৰ আধ্যাত্মিক চিন্তক তথা চেঙা আঞ্চলিক ভাগৱতী বৈষ্ণৱ সমাজৰ প্ৰতিষ্ঠাপক সম্পাদক প্ৰয়াত মৃগেন্দ্ৰ নাৰায়ণ বৰুৱা সোঁৱৰণী স্মৃতি গ্ৰন্থ প্ৰজ্ঞাৰ সুবাস আজি উন্মোচন কৰা হয়।
প্ৰয়াত বৰুৱাৰ বাসগৃহত অনুষ্ঠিত স্মৃতিচাৰণ সভাত এই গ্ৰন্থখন উন্মোচন কৰে বান্দালী সত্ৰৰ অধিকাৰ দিজেন্দ্ৰ নাথ গোস্বামীয়ে। বিষয় শিক্ষক ৰোহিনী কুমাৰ দাসৰ সভাপতিত্বত অনুষ্ঠিত এই সভাখনত চেঙাৰ সমাজ জীয়নৰ প্ৰাণপুৰুষ প্ৰয়াত মৃগেন্দ্ৰ নাৰায়ণ বৰুৱাৰ কৰ্মৰাজীৰ লগতে ব্যক্তিত্বৰ ওপৰত বিভিন্নজনে আলোকপাত কৰে। এই অনুষ্ঠানতেই বিভিন্ন অনুষ্ঠান প্ৰতিষ্ঠানে প্ৰয়াত বৰুৱাৰ পৰিয়ালক শোক আৰু শ্ৰদ্ধাঞ্জলি বাৰ্তা প্ৰদান কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।