গোলাঘাটঃ নুমলীগড়ৰ মৰঙী মৌজাৰ অন্তৰ্গত মিৰিপথাৰত এটি কণমানি বনৰীয়া হাতীৰ পোৱালী উদ্ধাৰ হৈছে। আজি পুৱাই এটা বন্যহস্তীৰ জাক মৰঙিৰ ধাননী পথাৰৰ পৰা উভতি যাওতেই এটা পোৱালী জাকটোৰ পৰা ফালৰি কাটি অন্যফালে গুচি যায়। যাৰ বাবে হাতী পোৱালিটো অকলশৰীয়া হৈ পৰে।
যোৱা ২৪ অক্টোৱৰত মৰঙীৰ ধলাগাঁৱৰ পথাৰত বিদ্যুৎস্পৃষ্ট হৈ মৃত্যু হোৱা হাতীজনীৰ সন্তান বুলি স্থানীয় ৰাইজে সন্দেহ প্ৰকাশ কৰিছে। আজি পুৱাই মিৰিপথাত কিছু স্থানীয়লোকে হাতী পোৱালিটোক প্ৰত্যক্ষ কৰি স্থানীয় বন বিষয়াৰ কাৰ্যালয়ত খৱৰ দিয়ে। অৱশেষত বনবিভাগৰ লোক ঘটনাস্থলীত উপস্থিত হৈ পোৱালিটো উদ্ধাৰ কৰি কাজিৰঙাৰ বন্যপ্ৰাণী সংৰক্ষণ আৰু পুনৰ সংস্থাপন কেন্দ্ৰলৈ লৈ যোৱাৰ ব্যৱস্থা কৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।