হোজাইঃ পশ্চিম কাৰ্বি আংলং জিলাৰ অন্তৰ্গত খেৰণি বন বিভাগৰ দক্ষিণ বনাঞ্চলৰ অধীনস্থ বগৰিঘাটত এজনী বনৰীয়া মাইকী হাতীৰ মৃত্যু৷ ঘটনাৰ বিবৰণিৰ মতে আজি পুৱাই অঞ্চলটোৰ লোকে নিজৰ কুঁহিয়াৰ বাৰীত কাম কৰিবলৈ যোৱা অৱস্থাত ৰাইজে প্ৰত্যক্ষ কৰে মৃত্যু হোৱা বনৰীয়া হাতীটোক৷
বনৰীয়া হাতীটোৰ মৃত্যু হোৱাৰ খবৰ বিয়পি পৰাৰ লগে লগে অঞ্চলবাসীৰ ৰাইজে বন বিভাগক খবৰ দিয়ে৷ ইপিনে, খেৰণি বন বিভাগে ঘটনাস্থলীত উপস্থিত হৈ মৃত হাতীটোক মৰণোত্তৰ পৰীক্ষাৰ কৰি পোতাৰ ব্যৱস্থা কৰিছে৷ উল্লেখ্য যে অঞ্চলটোত সঘনাই সংঘটিত বনৰীয়া হাতীৰ উপদ্ৰৱৰ অসহ্যতাত কোনো দুষ্টচক্ৰই হাতীৰ খাদ্যত বিষক্ৰিয়া মিহলোৱাৰ সন্দেহ প্ৰকাশ কৰিছে বৃহৎৰ অঞ্চলটোৰ অধিকাংশ ৰাইজে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।