বৰপেটাঃ পূৱ বৰপেটাৰ দীৰ্ঘদিনীয়া অভাৱৰ অন্ত পেলাই বৃহত্তৰ ভেল্লা অঞ্চলৰ সাংবাদিক, লেখক, সমাজকৰ্মীৰ প্ৰচেষ্টাত গঢ় লৈ উঠা বৃহত্তৰ ভেল্লা প্ৰেছ ক্লাৱৰ কাৰ্যালয়টো আজি শুভ উদ্বোধন কৰি বৰপেটাৰ উপায়ুক্ত তেজ প্ৰসাদ ভুচালে সমাজ গঠনত সাংবাদিকৰ ভূমিকা লেখত ল’বলগীয়া বুলি ভাষণত উল্লেখ কৰে।
আলিয়াচ আহমেদৰ সভাপতিত্বত অনুষ্ঠিত হোৱা মুকলি সভাত মুখ্য অতিথি হিচাপে উপস্থিত থাকি উপায়ুক্ত তেজ প্ৰসাদ ভূচালে বৃহত্তৰ ভেল্লা প্ৰেছ ক্লাৱৰ বাবে স্থায়ী কাৰ্যালয় স্থাপনৰ ক্ষেত্ৰত সৰ্বতোপ্ৰকাৰৰ সহযোগ কৰিব বুলি আস্বাস প্ৰদান কৰে। বৃহত্তৰ ভেল্লা প্ৰেছ ক্লাৱৰ সভাপতি আজিজুল হকে আঁতধৰা সভাখনৰ উদ্দেশ্য ব্যাখ্যা কৰে বৃহত্তৰ ভেল্লা প্ৰেছ ক্লাৱৰ সম্পাদক চাইজুৰ ৰহমানে।
প্ৰেছ ক্লাৱৰ সাধাৰণ সম্পাদক মৌচম নাজিমে আদৰণি জনোৱা অনুষ্ঠানটোত জিলা তথ্য আৰু জনসংযোগ বিষয়া বিকাশ শৰ্মা, বৰপেটা ৰাজহ চক্ৰ বিষয়া প্ৰাঞ্জল বৰুৱা, বিশিষ্ট সাহিত্যিক নঞ্জু দত্ত, প্ৰমুখ্যে বহু কেইগৰাকী বিশিষ্ট ব্যক্তি উপস্থিত থাকি সংবাদ মাধ্যম আৰু সাংবাদিকৰ দ্বায়িত্ব আৰু কৰ্তব্য সন্দৰ্ভত বিস্তৃত আকাৰে বহু গুৰুত্বপূৰ্ণ ভাষণ ৰাখে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।