কামপুৰঃ নগাঁও জনস্বাস্থ্য কাৰিকৰী বিভাগৰ অন্তৰ্গত জল-জীৱন মিছনৰ অধীনত কঠিয়াতলী উন্নয়ন খণ্ডৰ ক্ৰমে শগুণবাহী গ্ৰাণ্ট আৰু শগুণবাহী গাঁও পানীযোগান আঁচনি কেইখন আধাৰশিলা কৰি শুভাৰম্ভ কৰে বঢ়মপুৰ বিধানসভা সমষ্টিৰ বিধায়ক জিতু গোস্বামীয়ে।
উল্লেখ্য যে শগুণবাহী গ্ৰাণ্ট পানীযোগান আঁচনিখনৰ পৰা ১ টা চুবুৰী আৰু শগুণবাহী গাঁও পানীযোগান আঁচনিখনৰ পৰা ৯ চুবুৰীক সামৰি, সৰ্বমুঠ ১০ টা চুবুৰীৰ ৰাইজ উপকৃত হোৱাকৈ আঁচনিকেইখন নিৰ্মাণৰ কাম আৰম্ভ কৰা হৈছে।
অনুষ্ঠানটোত জনস্বাস্থ্য কাৰিকৰী বিভাগৰ কাৰ্য্যবাহী অভিযন্তা, সহকাৰী কাৰ্য্যবাহী অভিযন্তা, বিভাগীয় আন আন বিষয়াৰ লগতে স্থানীয় ৰাইজ তথা পঞ্চায়ত প্ৰতিনিধিসকলৰ উপস্থিতিত আনুষ্ঠানিকভাৱে আধাৰশিলা স্থাপন কৰে বিধায়ক গোস্বামীয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।