বদৰপুৰঃ কৰিমগঞ্জত সংঘটিত হৈছে দিন ডকাইতিৰ ঘটনা। চহৰৰ মিশন ৰোডত সংঘটিত হৈছে এই ঘটনা। ধ্ৰুবজ্যোতি চক্ৰবৰ্ত্তী নামৰ ব্যক্তিৰ পৰা চাৰি লাখ টকা লুটি নিলে বাইকত অহা দুই দুৰ্বৃত্তই। ষ্টেট বেংকৰ মুখ্য শাখাৰ পৰা চেক যোগে ব্যক্তিজনে উলিয়াই আনিছিল চাৰি লাখ টকা।
ষ্টেট বেংকৰ পৰা খোজকাঢ়ি পৰৱৰ্তী গন্তব্যত যোৱাৰ সময়ত বাইকত অহা দুই দুৰ্বৃত্তই টকাৰ মোনাটো ব্যক্তিজনৰ পৰা কাঢ়ি পলাই যাবলৈ সক্ষম হয়। উল্লেখযোগ্য যে দীৰ্ঘদিনৰ পৰাই কৰিমগঞ্জ চহৰত চোৰ-ডকাইতৰ উপদ্ৰৱত অতিষ্ট হৈ পৰিছে চহৰৰ সাধাৰণ জনতা।
আনকি চহৰৰ বহু এলেকাত নৈশ প্ৰহৰাৰ ব্যৱস্থা কৰিছে ভুক্তভোগী ৰাইজে। আৰক্ষীৰ ব্যৰ্থতাৰ বাবে এনে ঘটনা সঘনাই সংঘটিত হোৱাৰ অভিযোগ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।