নিউজ ডেস্কঃ পৰিবহণ আয়ুক্ত কাৰ্যালয়ত এটা দিনৰ বাবে সম্পূৰ্ণৰূপে অচল হ’ল কাৰ্যালয়ৰ কাম–কাজ৷ তীব্ৰ প্ৰতিবাদ৷ কিয়নো পৰিবহণ বিভাগৰ পঞ্জীয়কৰ ওপৰত আক্ৰমণ বিভাগৰ অতিৰিক্ত আয়ুক্তৰ৷ নতুনকৈ কাৰ্যালয়ত যোগদান কৰা IAS বিষয়া চাডনেক সিঙে শাৰীৰিক–মানসিকভাৱে কাৰ্যালয়ৰ পঞ্জীয়ক প্ৰদীপ সেনাপতিক আক্ৰমণ চলোৱাৰ অভিযোগ উঠিছে। IAS বিষয়াগৰাকীৰ কাৰ্যালয়ৰ কক্ষত বিদ্যুৎ নথকাৰ বাবে খঙত শাৰীৰিকভাৱে অপদস্ত কৰে প্ৰদীপ সেনাপতিক৷দীৰ্ঘদিন ধৰি বহু IAS বিষয়াৰ সৈতে কাম কৰাৰ সৌভাগ্য হৈছিল সেনাপতিৰ৷ কিন্তু মাথোঁ দুদিন পূৰ্বে পৰিবহণ বিভাগৰ অতিৰিক্ত আয়ুক্তৰ আসনত বহা বিষয়াগৰাকীৰ এই কৰ্মকাণ্ডক লৈ হতভম্ব বিভাগৰ কৰ্মচাৰী৷ যাৰ বিৰুদ্ধে ঘটনাৰ উচিত তদন্তৰ দাবী তুলি মঙলবাৰে কাৰ্যালয়ৰ সকলো কাম–কাজ কৰাৰ পৰা বিৰত থাকে সকলো কৰ্মচাৰী৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।