লাহৰিঘাটঃ লাহৰিঘাটৰ ধূপগুৰিত ভয়ংকৰ পথ দুৰ্ঘটনা। বগলীপৰা-মৰিগাঁও সংযোগী গড়কাপ্তানী পথত ধূপগুৰি চাৰিআলিৰ সমীপত সংঘটিত হোৱা পথ দুৰ্ঘটনাত বঢ়িগাঁও বড়োমাধ্যম এম ই স্কুলৰ অষ্টম শ্ৰেণীৰ ছাত্ৰ ই ৰিক্সাৰ খুন্দাৰ ফলত থিতাতে মৃত্যু হয়। জানিব পৰা মতে ছাত্ৰজন চাইকেলেৰে স্কুললৈ যাওঁতে এখন দ্ৰুত গতিত অহা বাইকক প্ৰত্যক্ষ কৰি চাইকেলখন ঘূৰাবলৈ লওতে হঠাৎ চাইকেলখনৰ পৰা ল’ৰাজন ৰাস্তাত বাগৰি পৰে। লগে লগে দ্ৰুত গতিত অহা এখন ই ৰিক্সা লৰাজনৰ ওপৰেদি উঠাই দিয়াত থিতাতে মৃত্যু হয় ল’ৰাজনৰ। এই ঘটনাৰ পিছতেই অঞ্চলজুৰী তীব্ৰ চাঞ্চল্যই বিৰাজ কৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।