জামুগুৰিহাটঃ দীপাৱলীৰ আনন্দ উল্লাসৰ মাজতে জামুগুৰিহাটৰ বৰভগীয়া গাঁৱত বৃহস্পতিবাৰে নিশা সংঘটিত হয় ভয়ংকৰ অগ্নিকাণ্ড৷ বৰভগীয়া গাঁৱৰ চিৰঞ্জীৱ শইকীয়া নামৰ লোকজনৰ বাসগৃহত থকা মৰাপাট আৰু ধানৰ গুদামত সংঘটিত হোৱা অগ্নিকাণ্ডই ভস্মীভূত কৰে সকলোবোৰ৷ ফটকাৰ ফিৰিঙতি সোমাই অগ্নিকাণ্ড সংঘটিত হোৱাৰ সন্দেহ প্ৰকাশ কৰিছে স্থানীয় ৰাইজে৷ ঘটনাস্থলীত দুখনকৈ অগ্নিনিৰ্বাপক বাহিনীৰ গাড়ী উপস্থিত হৈ জুই নুমুৱাৰ চেষ্টা চলাইছে যদিও সফল হোৱা নাই৷ গুদামটোত লক্ষ্যাধিক টকাৰ মৰাপাট আৰু ধান মজুত কৰি ৰাখিছিল বুলি জানিব পৰা গৈছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।