গোলাঘাটঃ নুমলীগড়ৰ কাষৰীয়া মৰঙী মৌজাৰ গিদি বস্তী অঞ্চলত মানৱতাৰ এক সুন্দৰ নিদৰ্শন দেখুৱাইছে মৰঙি আঞ্চলিক ছাত্ৰ মুক্তি সংগ্ৰাম সমিতিয়ে। দিপাৱলীত বন্তি জ্বলাবলৈ ব্যৱহাৰ কৰা কলগছ সমূহ মৰঙী অঞ্চলৰ বিভিন্ন ঠাইৰ পৰা সংগ্ৰহ কৰি আজি মৰঙিৰ কাষৰীয়া গিদি বস্তি অঞ্চলত বন্যহস্তীৰ খাদ্যৰ বাবে যোগান ধৰে। বৃহত্তৰ মৰঙি মৌজাত দৈনিক বৃদ্ধি পাব ধৰিছে হাতী-মানুহৰ সংঘাত। তেনে এক জটিল সময়ত মৰঙি আঞ্চলিক ছাত্ৰ মুক্তি সংগ্ৰাম সমিতি, কৃষক মুক্তি সংগ্ৰাম সমিতি, আৰু মৰঙি প্ৰেছ ক্লাবৰ সহযোগত লোৱা পদক্ষেপক সকলোৱে শলাগ লৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।