নগৰবেৰাঃ শুকুৰবাৰৰ সন্ধিয়া নগৰবেৰাৰ মন্দিৰা আৰক্ষী চকীৰ অন্তৰ্গত নিচিলামাৰীত তীব্ৰবেগী এল্ট’-৮০০ এখনে পূজা মালো(১২) নামৰ এগৰাকী কিশোৰী আৰু সাগৰ মণ্ডল(৩০) নামৰ এজনক খুন্দিওৱাৰ উপৰি পথৰ কাষত ঘাঁহ খাই থকা কাঢ়লী গৰু এজনীক খুন্দা মৰাৰ ফলত গৰুটো থিতাতে নিহত হয় দুৰ্ঘটনাটো সংঘটিত কৰি পলাই গৈ মন্দিৰা এন চি চ’কৰ দোকান এখনত আত্মগোপন কৰা বাহনখনৰ চালক গোৱালপাৰা শিমলীতোলা আৰক্ষী চকীৰ অন্তৰ্গত খেৰোপাৰা গাঁৱৰ নূৰ ইছলামৰ পুত্ৰ শ্বাহিনুৰ ইছলামক মন্দিৰা আৰক্ষীয়ে গৈ উদ্ধাৰ কৰে যদিও আৰক্ষী চকীলৈ নি থাকোতেই আদবাটতে ৰাইজ উত্তেজিত হৈ খৰ্গহস্ত হয় আৰু আৰক্ষীৰ বাহন ভাঙি চূৰ্ণ-বিচুৰ্ণ কৰে আনহাতে আহত দুয়োজনকে সংকটজনক অৱস্থাত চিকিৎসালয়ত ভৰ্তি কৰোৱা হয়। দুৰ্ঘটনা সংঘটিত বাহনখনৰ নম্বৰ AS-25/K-2526 দুৰ্ঘটনাটোক লৈ সম্প্ৰতি অঞ্চলজুৰি অব্যাহত আছে চেপা উত্তেজনা।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।