মাৰ্ঘেৰিটাঃ তিনিচুকীয়া জিলাৰ মাৰ্ঘেৰিটাত আজি দিনজোৰা বৰ্ণাঢ্য কাৰ্যসূচীৰে পণ্ডিত ড° বাণীকান্ত কাকতি দিৱস উদযাপন কৰা হয়। সদৌ অসম কলিতা জনগোষ্ঠী সন্মিলন তিনিচুকীয়া জিলা সমিতিৰ তত্বাৱধানত, মাৰ্ঘেৰিটা আঞ্চলিক সমিতিৰ উদ্যোগত আৰু মাৰ্ঘেৰিটাবাসী ৰাইজৰ সহযোগত মাৰ্ঘেৰিটা উন্নয়ন খণ্ডৰ সভাকক্ষত কেন্দ্ৰীয়ভাৱে দিনজোৰা কাৰ্যসূচীৰে উদযাপন কৰা অনুষ্ঠানত সভাপতিত্ব কৰে সদৌ অসম কলিতা জনগোষ্ঠীৰ কেন্দ্ৰীয় সাংগাঠনিক সম্পাদক নগেন কলিতাই।
জিলা সমিতিৰ সভাপতি ধৰণী শইকীয়া উদ্দেশ্য বাখ্যা কৰা অনুষ্ঠানত মুখ্য বক্তা হিচাবে উপস্থিত থাকে মাৰ্ঘেৰিটা মহাবিদ্যালয়ৰ অসমীয়া বিভাগৰ প্ৰৱক্তা ড০ ৰমেন হাজৰিকাৰ লগতে প্ৰৱক্তা যোগেন বৰা, ৰুণজুন শইকীয়া ও মহাবিদ্যালয়ৰ একাংশ ছাত্ৰ-ছাত্ৰী। ইয়াৰোপৰি সদৌ অসম কলিতা জনগোষ্ঠীৰ কেন্দ্ৰীয় সমিতিৰ কেইবাইনো বিষয়ববীয়া উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।