কামপুৰঃ বিগত কিছুদিন ধৰি বন্যহস্তীয়ে সন্ত্ৰাস চলাইছে কঠিয়াতলী বন আঞ্চলিক কাৰ্যালয়ৰ বিভিন্ন এলেকাত। আজি নিশাৰ ভাগতো কামপুৰৰ মনোহৰ গাঁৱৰ লগতে তেতেলীসৰাৰ বিভিন্ন এলেকাত বন্যহস্তী প্ৰৱেশ কৰি ব্যাপক ক্ষতিসাধন কৰে গঞাৰ। মনোহৰ গাঁৱৰ ঘন কান্তু দাস আৰু নতুন গাঁৱৰ জ্যোতি বৰা নামৰ মহিলা গৰাকীৰ ঘৰ ভাঙি লণ্ড-ভণ্ড কৰে। লগতে ঘৰত থকা ধান-চাউল খাই তহিলং কৰে বন্যহস্তীৰ দলে। প্ৰতিদিনে অঞ্চলটোত বন্যহস্তীৰ জাকে পথাৰৰ পকা ধান মানুহৰ বাসগৃহ ভাঙি উপদ্ৰৱ চলাই আহিছে। যাৰ বাবে অঞ্চলবাসী শংকিত হৈ পৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।