ৰঙিয়াঃ ৰঙিয়া আৰক্ষীয়ে ড্ৰাগছ বিৰুদ্ধে ধাৰাবাহিক অভিযান অব্যহত ৰখাৰ সময়তে যোৱা নিশা পুনৰ ৰঙিয়া চহৰৰ মাজমজিয়াৰ পৰা আৰক্ষীয়ে এজন ড্ৰাগছ সৰবৰাহকৰী আটক কৰিবলৈ সক্ষম হয়। আটকাধীন যুৱকজনৰ নাম আব্দুল কাদিৰ ওৰফে মিথুন বুলি আৰক্ষীয়ে জানিব দিছে। ইতিমধ্যে ধৃত যুৱকজনৰ পৰা আৰক্ষীয়ে ৭.৫২ গ্ৰাম ড্ৰাগছ, ৫ টা কন্টেইনাৰ উদ্ধাৰ কৰিবলৈ সক্ষম হয়।
নিশা ১০.৩০ মিনিটত এক গোপন সুত্ৰৰ পম খেদি এই অভিযান আৰম্ভ কৰি উক্ত যুৱকজনক ড্ৰাগছসহ আটক কৰিবলৈ সক্ষম হয় ৰঙিয়া আৰক্ষীয়ে৷ ৰঙিয়া থানাৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰীৰ নেতৃত্বত হয় এই অভিযান৷ উল্লেখযোগ্য যে ৰঙিয়া চহৰৰ মাজমজিয়াৰ নুৰুদ্দিন পথৰ এটা অট্টালিকাৰ পিছপিনে থকা এটা জুপুৰিৰ পৰা আটক কৰে যুৱকজনক৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।