মানকাচৰঃ মানকাচৰ অসম গ্ৰামীণ বিকাশ বেংকৰ বিৰুদ্ধে অনিয়মৰ অভিযোগ। যোৱা তিনিদিনৰ পৰা বেংকৰ লিংক নথকাত হাহাকাৰ পৰিস্থিতি সৃষ্টি হৈছে বেংকৰ গ্ৰাহকৰ। উল্লেখ্য যে দক্ষিণ শালমাৰা মানকাচৰ জিলাৰ মানকাৰ চহৰত অৱস্থিত অসম গ্ৰামীণ বিকাশ বেংকত যোৱা তিনিদিনৰ পৰা লিংক নথকাত গ্ৰাহকৰ মাজত হাহাকাৰ হোৱা পৰিলক্ষিত হৈছে।
জিলাখনৰ দুৰদুৰনিৰ পৰা অহা বেংকৰ গ্ৰাহকে বেংকৰ পৰা টকা উঠাব নোৱাৰি এক হাহাকাৰময় পৰিস্থিতিৰ সৃষ্টি হৈছে। বেংকৰ এনে পৰিস্থিতিৰ ফলত বিধৱা পেঞ্চন, বৃদ্ধ পেঞ্চন, অৰুণোদয় আঁচনিৰ ধন তুলিব নোৱাৰাত গ্ৰাহকে বহুত অসুবিধাৰ সন্মুখীন হৈছে বুলি জানিব দিয়ে বেংকখনৰ গ্ৰাহকে। আনহাতে বেংকৰ কৰ্মচাৰীয়ে গ্ৰাহকৰ লগত সদায় বেয়া আচৰণ কৰাৰ এক গুৰুতৰ অভিযোগ উত্থাপন কৰিছে বেংকৰ গ্ৰাহকসকলে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।