বাইহাটা চাৰিআলিঃ চাংসাৰীত তিনি দুৰ্ধৰ্ষ মটৰচাইকেল চোৰক আটক। দীৰ্ঘদিন ধৰি বৃহত্তৰ অঞ্চলটোত মটৰচাইকেল চুৰিৰে ত্ৰাসৰ সৃষ্টি কৰা চোৰ তিনিজনক আটক কৰে চাংসাৰী আৰক্ষীয়ে। চাংসাৰী আৰক্ষী থানাৰ ভাৰপ্ৰাপ্ত আৰক্ষী বিষয়া তৰুণ তালুকদাৰে এক গোপন সুত্ৰৰ ভিত্তিত অভিযান চলাই আটক কৰে দুৰ্ধৰ্ষ চোৰ কেইজনক।
এখন নম্বৰ প্লেট বিহীন স্কুটি বাহন চুৰি কৰি দুৰ্ধৰ্ষ চোৰ কেইজনে চাংসাৰী শিলভড়ালত ৰাখি থোৱা অৱস্থাতে হাতে-লোটে আটক কৰে আৰক্ষীয়ে। ৰোহিত হুছেইন, মইনুদ্দিন আহমেদ আৰু ৰাজু আহমেদ নামৰ আটকাধীন চোৰ কেইগৰাকীক সোধ-পোচ অব্যাহত ৰাখিছে চাংসাৰী আৰক্ষীয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।