জামুগুৰিহাটঃ শোণিতপুৰ জিলাৰ জামুগুৰিহাটৰ পাচমুখ মিলনপুৰত শুকুৰবাৰে নিশা অনুষ্ঠিত হয় কৰম উৎসৱ৷ আদিবাসী ৰাইজৰ কৃষি ভিত্তিক এই কৰম উৎসৱত অঞ্চলটিৰ ভালেকেইটি ঝুমুৰ দলে অংশগ্ৰহণ কৰে৷ আদিবাসীসকলৰ পৰম্পৰাগত এই কৰম উৎসৱত অঞ্চলটিৰ সকলো শ্ৰেণী ৰাইজে সহযোগিতা আগবঢ়ায়৷ আদিবাসী ৰাইজৰ এই কৃষি ভিত্তিক কৰম উৎসৱৰ জৰিয়তে অঞ্চলটিৰ সকলো শ্ৰেণী ৰাইজৰ মাজত সমন্বয়ৰ ভেটি অধিক কটকটীয়া হোৱা বুলি মন্তৱ্য কৰে উদ্যোক্তা সকলে৷ উত্তৰ নদুৱাৰ আছাৰ উদ্যোগত আৰু মিলনপুৰ ৰাইজৰ সহযোগত অনুষ্ঠিত এই তৃতীয় বাৰ্ষিক কৰম উৎসৱত অংশগ্ৰহণ কৰা আছাৰ শোণিতপুৰ জিলা সমিতিৰ প্ৰচাৰ সম্পাদক কৃষ্ণ নায়কৰ লগতে উত্তৰ নদুৱাৰ আঞ্চলিক সমিতিৰ সভাপতি চালিম তপ্নৰ সহ আদিবাসী নেতৃত্বই তেওঁলোকৰ দীৰ্ঘদিনীয়া বহুকেইটা সমস্যা সমাধান হোৱাৰ বাৱে অসম চৰকাৰক ধন্যৱাদ জ্ঞাপন কৰি মিলনপুৰ খেলপথাৰত এটা ৰঙ্গমঞ্চৰ লগতে যাতায়তৰ সু-ব্যৱস্থা কৰি দিবৰ বাবে উদ্যোক্তাসকলে আহ্বান জনায় পঞ্চায়ত কৰ্তৃপক্ষক।
