বাহাৰঘাটঃ কামৰূপ জিলাৰ বৃহত্তৰ পশ্চিম বড়িগোগ মৌজাক সামৰি প্ৰতিষ্ঠা লাভ কৰা উচ্চ শিক্ষানুষ্ঠান পশ্চিম বড়িগোগ আঞ্চলিক মহাবিদ্যালয়ৰ নৱাগত আদৰণি সভাখন আজি দিনজোৰা কাৰ্য্যসূচীৰে মহাবিদ্যালয় প্ৰাংগনত অনুষ্ঠিত হয়৷ তদুপলক্ষে দিনৰ ১ বজাত মহাবিদ্যালয়ৰ ভাৰপ্ৰাপ্ত অধ্যক্ষ ড°ৰাতুল চন্দ্ৰ শৰ্মাৰ সভাপতিত্বত অনুষ্ঠিত হোৱা সভাখনত হাজোৰ বিশিষ্ট সমাজসেৱক তথা উদ্যোগপতি বনমালী শৰ্মাক মহাবিদ্যালয় কতৃপক্ষৰ তৰফৰ পৰা বিপূল সম্বৰ্ধনা জনাই৷ছাত্ৰ সংসদৰ তত্ত্বাৱধায়ক ড°পাচান আলিয়ে আতধৰা আৰু ছাত্ৰ সংসদৰ সম্পাদিকা ৰিজুৱানা চুলতানাই উদ্দেশ্য ব্যাখ্যা কৰা সভাখনত কামৰূপ জিলাৰ সহকাৰী উপায়ুক্ত নিশামণি কলিতা আৰু মহাবিদ্যালয় পৰিচালনা সমিতিৰ সভাপতি ৰমানাথ ভট্টাচাৰ্যই ছাত্ৰছাত্ৰী সকলক উদ্দেশ্যি বক্তব্য দিয়ে৷উক্ত সভাতে অধ্যাপক খাইৰুজ জামানৰ সম্পাদনাত প্ৰকাশ কৰি উলিৱা বাৰ্ষিক প্ৰচাৰ পত্ৰিকা ভিপজিউৰ উন্মোচন কৰে৷সভাৰ অন্তত এখনি আকৰ্ষনীয় সাংস্কৃতিক অনুষ্ঠান অনুষ্ঠিত কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।