কলগাছিয়াঃ অসম চৰকাৰৰ নিৰ্দেশ মৰ্মে, আজি বৰপেটা জিলা স্বাস্থ্য সমিতিৰ আয়োজনত কলগাছিয়াৰ খৰিচালাস্থিত জনপ্ৰিয় উচ্চতৰ মাধ্যমিক বিদ্যালয়ত বিষেশ স্বাস্থ্য পৰীক্ষা শিবিৰ অনুষ্ঠিত কৰা হয়। উক্ত স্বাস্থ্য শিবিৰটো শুভ উদ্বোধন কৰে জনপ্ৰিয় উচ্চতৰ মাধ্যমিক বিদ্যালয়ৰ অধ্যক্ষ ৰহিজ উদ্দিনে। প্ৰসূতি, শিশু স্বাস্থ্য পৰীক্ষাৰ লগতে ডিঙি-নাক, চকু, ডায়েবেটিছ, মেলেৰিয়া আদিৰো পৰীক্ষা কৰা হয়। বৃহস্পতিবাৰে অনুষ্ঠিত হোৱা স্বাস্থ্য শিবিৰত পাঁচশৰো অধিক লোকৰ স্বাস্থ্য পৰীক্ষা কৰা হয় বুলি স্বাস্থ্য কৰ্মীসকলে জানিবলৈ দিয়ে। এনে স্বাস্থ্য শিবিৰৰ জৰিয়তে ৰাইজৰ মাজত স্বাস্থ্য সম্পৰ্কে সজাগতা বৃদ্ধি হ'ব জনায় স্বাস্থ্য কৰ্মীসকলে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।