নলবাৰীঃ নলবাৰী জিলাৰ ঘগ্ৰাপাৰ হাইস্কুল খেল পথাৰত স্বামী বিবেকানন্দ জনসেৱা সমিতিৰ উদ্যোগত শনিবাৰৰ পৰা তিনিটি নিশাৰ বাবে আমন্ত্ৰণ কৰি অনা বৰদৈচিলা থিয়েটাৰৰ প্ৰথম নিশাৰ নাট মহাদেৱ উপভোগ কৰাৰ বাবে দৰ্শকৰ অভূতপূৰ্ব সঁহাৰি দেখা পৰিলক্ষিত হয়। অসমৰ জনপ্ৰিয় অভিনেতা তপন দাসে বলিষ্ঠ অভিনয় কৰা মহাদেৱ নাটখন চোৱাৰ বাবে ৰাইজৰ লানি নিচিঙা সোত বোৱা পৰিলক্ষিত হয়। বিজেপি নেতা মধুৰাম ডেকাই শুভ উদ্বোধন কৰা থিয়েটাৰখনৰ অন্য দুখন নাটক ক্ৰমে ফাচিকাঠত ৰাজখোৱা আৰু হেণ্ডকাফ নাটক উপভোগ কৰাৰ বাবে সমুহ ৰাইজৰ উপস্হিতি শ্ৰদ্ধাৰে কামনা কৰিছে বিবেকানন্দ জনসেৱা সমিতিৰ সভাপতি দিপেন কলিতাই।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।