কামপুৰঃ ৰাজ্যত আগন্তুক দিনত হবলগীয়া বিভিন্ন নিৰ্বাচনৰ প্ৰতি লক্ষ্য প্ৰতিটো ৰাজনৈতিক দলে আৰম্ভ কৰিছে কুচকাৱাজ। পিছ পৰি থকা নাই আম আদমি পাৰ্টিয়ো৷ নিৰ্বাচনৰ প্ৰতি লক্ষ্য ৰাখি ৰহা সমষ্টিৰ বিভিন্ন পঞ্চায়তত আম আদমি পাৰ্টিৰ পঞ্চায়ত কমিটি গঠন কৰা সাংগঠনিক ভেটি সুদৃঢ় কৰাৰ বাবে জোৰদাৰ প্ৰচাৰ আৰম্ভ কৰা পৰিলক্ষিত হৈছে। আজি নগাঁও জিলাৰ ৰহা সমষ্টিৰ অন্তৰ্গত জুৰিৰপাৰ গাঁও পঞ্চায়তৰ অধীনস্থত মধ্য জুৰিৰপাৰত আম আদমি পাৰ্টিৰ পঞ্চায়ত কমিটি সম্পৰ্কে সভা অনুষ্ঠিত হয়। আজি এই সভাত উপস্থিত থাকে নগাঁও জিলাৰ আম আদমি পাৰ্টিৰ সম্পাদক ৰূপজ্যোতি হাজৰিকা,যুগান্ত বৰা,,মাধৱপাৰা গাঁও পঞ্চায়তৰ আম আদমি পাৰ্টিৰ সম্পাদক আবু হানিফাৰ লগতে জুৰিৰপাৰ গাঁও পঞ্চায়তৰ গণ্য মান্য ব্যক্তি সকল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।