জামুগুৰিহাটঃ চতিয়া সমষ্টিৰ অন্তৰ্গত জামুগুৰিহাটৰ বালিজুৰিস্থিত ধোবিখোলা ৰঙ্গমঞ্চত প্ৰয়াত কমল চুব্বাৰ স্মৃতিত বালিজুৰি ধোবিখোলা সাংস্কৃতিক মঞ্চৰ উদ্যোগত দুদিনিয়া বিস্তৃত কাৰ্যসূচীৰে ৰমাইলো তিহাৰ সমাৰোহ উদযাপন কৰে। শনিবাৰৰ প্ৰথম দিনা সন্ধ্যা অনুষ্ঠিত তিহাৰ নৃত্য প্ৰতিযোগিতাৰ মঞ্চ উদ্বোধন কৰে মুঢ়াদল জিলা পৰিষদৰ সদস্য কিশোৰ দাহালে। দেওবাৰৰ দ্বিতীয় দিনা সন্ধিয়া অনুষ্ঠিত ৰমাইলো তিহাৰ সমাৰোহৰ মঞ্চভাগ উদ্বোধন কৰি চতিয়া আঞ্চলিক পঞ্চায়তৰ সভাপতি লক্ষীকান্ত বৰাই কয় যে- বৃহত্তৰ অসমীয়া জাতিৰ এটা অবিছেদ্য অংগ অসমৰ গোৰ্খা জনগোষ্ঠী। তিহাৰ সমাৰোহৰ জৰিয়তে আমাৰ মাজত থকা আস্থা বিশ্বাস ও ভাতৃত্ববোধ প্ৰতিটো জনগোষ্ঠীৰ মাজত বৰ্তি থাকিব৷ আমাৰ সমাজখনৰ লগতে নৱপ্ৰজন্মক ইয়াৰ জৰিয়তে আগুৱাই নিয়াৰ প্ৰচেষ্টা কৰিব লাগিব আৰু প্ৰতিটো জনগোষ্ঠীৰ সাংস্কৃতিক অনুষ্ঠানবোৰ বিশ্বৰ দৰবাৰত জিলিকিবালৈকো প্ৰয়াস কৰিব লাগিব ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।