জামুগুৰিহাটঃ আজি পুৱাই চতিয়াৰ ঘিলাধাৰীমূখৰ বকাবিলত চতিয়া সমষ্টিৰ বিধায়ক পদ্ম হাজৰিকাই অত্যাধুনিক বাসুদেৱ ফিলিং ষ্টেচন তেল ডিপুৰ ৰঙা ফিটা কাটি শুভ উদ্বোধন কৰে। তেল ডিপো উদ্বোধন কৰি বিধায়ক পদ্ম হাজৰিকাই বাসুদেৱ ফিলিং ষ্টেচন তেল ডিপুৰ স্বতাধিকাৰ মনোজ ডমাইৰ সহধৰ্মিনি লক্ষ্মী ডমাইক উৎসাহিত কৰাৰ লগতে কয় যে চতিয়াৰ বহু ভিতৰুৱা অঞ্চলৰ বাবে এক দিৰ্ঘদিনীয়া সমস্যা এটা সমাধান হোৱাৰ লগতে বকাবিল, বুধুআটি, কৰৈয়নি, তিৱাৰীপালৰ লগতে চতিয়াৰ পৰা জামুগুৰিহাটৰ গমেৰিপাল সংযুক্ত হৈ অতিকৈ পিছপৰা অঞ্চলৰ ৰাইজৰ বাবে এই তেল ডিপুটোৰ জৰিয়তে ৰাইজৰ বহুত সুবিধা হ'ব। উদ্বোধনী অনুষ্ঠানটিত বিধায়কগৰাকীৰ লগত উপস্থিত থাকে চতিয়া খণ্ড উন্নয়ন বিষয়া পলক শৰ্মা, বৰভগীয়া জিলা পৰিষদৰ সদস্যা পলি চুটিয়া বৰাৰ লগতে অঞ্চলৰে বহু গণ্যমান্য ব্যক্তি।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।