কামপুৰঃ আজি পুৱা ১১ বজাত কঠীয়াতলী শিক্ষা খণ্ডৰ অন্তৰ্গত পশ্চিম নামবৰ প্ৰাথমিক বিদ্যালয়ৰ শ্ৰেণীকোঠা নিৰ্মাণৰ আধাৰ শিলা স্থাপন কৰে জ্যেষ্ঠ সাংবাদিক তথা প্ৰাক্তন মণ্ডল সমল কেন্দ্ৰ সমন্বয়ক ঘনকান্ত বৰাই। ধৰ্মীয় ৰীতি ৰক্ষা কৰি বন্তি প্ৰজ্বলন কৰে মাধব শইকীয়াই। ভাষণ প্ৰসংগত ঘনকান্ত বৰাই কয় যে পাঁচ লাখ আঠ হেজাৰ টকাৰে আৰম্ভ কৰিব লগা শ্ৰেণী কোঠাটো পৰিচালনা সমিতি আৰু ৰাইজৰ সহযোগত সম্পূৰ্ণ হৈ উঠিব বুলি আশা কৰাৰ লগতে অসম চৰকাৰৰ শিক্ষা বিভাগক ধন্যবাদ জ্ঞাপন কৰে।
আধাৰ শিলা স্থাপন অনুষ্ঠানত প্ৰধান শিক্ষয়িত্ৰী ববিতা বৰা, উপ-সভানেত্ৰী নিৰুবৰা, কামপুৰ আঞ্চলিক কৰ্মচাৰী পৰিষদৰ সভাপতি প্ৰণবকুমাৰ শইকীয়া, প্ৰাক্তন পৰিচালনা সমিতিৰ সভাপতি ভূমি ৰাজবংশী,সহকাৰী শিক্ষয়িত্ৰী অনিতা দেৱী, কঠীয়াতলী বিষ্ণু,জ্যোতি আৰু ভূপেন হাজৰিকা উদ্যান নিৰ্মাণ কমিটিৰ সম্পাদক ভোগেশ্বৰ বৰুৱা, সাংবাদিক মুক্তিকাম লস্কৰৰ লগতে ৰন্ধন কৰ্মী, অভিভাৱক আৰু শিক্ষাৰ্থী সকল উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।