বৰপেটাঃ আজি চৰ্দাৰ বল্লভভাই পেটেলৰ জন্মদিনৰ লগত সংগতি ৰাখি আজি বৰপেটাতো অনুষ্ঠিত হৈছে ৰাষ্ট্ৰীয় একতা দৌৰ। বৰপেটা আৰক্ষী, জিলা প্ৰশাসনৰ বিষয়া কৰ্মচাৰীসকলৰ লগতে বৰপেটাৰ বিভিন্ন বিভিন্ন বিদ্যালয়-মহাবিদ্যালয়ৰ হেজাৰোধিক ছাত্ৰ-ছাত্ৰী আৰু সাধাৰণ লোকে ভাগ লোৱা একতাৰ দৌৰে বৰপেটা চহৰৰ মূল পথসমূহ সামৰি লয়।বৰপেটা জিলা আৰক্ষীৰ উদ্যোগত আয়োজিত এই দৌৰ পতাকা জোকাৰি শুভাৰম্ভ কৰে বৰপেটাৰ জিলা উপায়ুক্ত আয়ুষ গৰ্গে । বৰপেটা জিলা ক্ৰীড়া সন্থাৰ খেলপথাৰত অনুষ্ঠিত শুভাৰম্ভ অনুষ্ঠানত উপায়ুক্ত গৰাকীয়ে ভাষণ প্ৰসংগত চৰ্দাৰ বল্লভভাই পেটেলে স্বাধীন ভাৰতক আজিৰ শক্তিশালী ৰূপ দিয়াৰ বাখ্যা কৰে । সেই অনুপ্ৰেৰণাত সমাজৰ প্ৰতিজন লোকক অখণ্ডতা ৰক্ষা কৰি ভাৰতক অধিক শক্তিশালী কৰাত ভুমিকা ল'বলৈ উপায়ুক্ত গৰকীয়ে আহ্বান জনায়। ইপিনে একতা দৌৰত অংশগ্ৰহন কৰা সকলোৱে ৰাষ্ট্ৰীয় একতা আৰু অখণ্ডতাৰ শপত লয়৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।