ঢকুৱাখনাঃ ঘিলামৰা নগৰ উচ্চ মাধ্যমিক বিদ্যালয়ৰ ৩৪ সংখ্যক যুৱ মহোৎসৱ বিভিন্ন কাৰ্যসূচীৰে ২, ৩ ,৪ আৰু ৫ নৱেম্বৰত অনুষ্ঠিত হয়। ছাত্ৰ-ছাত্ৰীসকলৰ মাজত চিত্ৰাংকণ, ক্ৰীড়া, নাচ-গান, একাংকিকা নাট, কুইজ, তৰ্ক প্ৰতিযোগিতা অনুষ্ঠিত হয়। আজি শেষৰ দিনা পুৱা প্ৰায় এশ জন ছাত্ৰ-ছাত্ৰীয়ে মাৰাথন দৌৰ প্ৰতিযোগিতা আৰু পুৱা দহ বজাৰ পৰা বৰ্ণাঢ্য সাংস্কৃতিক শোভাযাত্ৰা উলিওৱা হয়। সাংস্কৃতিক শোভাযাত্রাত বিদ্যালয়ৰ ছাত্ৰ-ছাত্ৰীসকলে গায়ন-বায়ন, মিছিং জনগোষ্ঠী, আহোম জনগোষ্ঠী, চাহ বাগানীয়া, বিহু দল, ভাৱৰীয়া আদি ৰূপত অংশ গ্ৰহণ কৰি সকলোৰে দৃষ্টি আকৰ্ষণ কৰিবলৈ সক্ষম হয়। আবেলি এক বজাৰ পৰা মুকলি সভা আৰম্ভ হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।