মঙলদৈঃ যুৱ প্ৰজন্মৰ হাৰ্টথ্ৰব জুবিন গাৰ্গৰ বিৰুদ্ধে জাঙুৰ খাই উঠিল ব্ৰাহ্মণ সমাজ৷ জনপ্ৰিয় কণ্ঠ শিল্পীগৰাকীয়ে ব্ৰাহ্মণক মাৰিব লাগে আৰু লগুণ ছিঙি পেলাব লাগে বুলি কৰা মন্তব্যক গৰিহণা ব্ৰাহ্মণ সমাজৰ৷ জুবিন গাৰ্গে এনে মন্তব্যৰে সমগ্ৰ ব্ৰাহ্মণ জাতিকে অপমান কৰা বুলি উল্লেখ কৰে। জুবিনক "সুৰা কণ্ঠ" হিচাপে বিভূষিত কৰিবলৈ অসমবাসীলৈ আহ্বান। কালা পাহাৰ নামৰ অসুৰৰ সৈতেও তুলনা জুবিন গাৰ্গক।
আনহাতে এই ক্ষেত্ৰত অসমৰ প্ৰতি জিলাতে জুবিনৰ বিৰুদ্ধে গোচৰ ৰুজু কৰিব বুলিও প্ৰকাশ কৰে৷ জুবিন যিহেতু এটা ব্ৰাহ্মণ পৰিয়ালৰ সন্তান গতিকে তেওঁ আন ব্ৰাহ্মণসকলক মৰাৰ আগতে নিজৰ পৰিয়ালৰ লোকসকলক মাৰি পেলাক বুলিও ক্ষোভ প্ৰকাশ ব্ৰাহ্মণ সমাজৰ৷ লগতে কাঞ্চনজংঘা ছবিখনত মুখ ঠেকেছা খাব বুলিও দাবী কৰে। মঙলদৈ বিষ্ণু মন্দিৰত দৰং আৰু ওদালগুৰি জিলা ব্ৰাহ্মণ সমাজ, দৰং আৰু ওদালগুৰি জিলা ব্ৰাহ্মণ যুৱ মঞ্চই এক সংবাদ মেল যোগে এই কথা উল্লেখ কৰে।
