মন্দিৰাত অৰ্ধগলিত মৃতদেহ উদ্ধাৰ

বকোঃ কামৰূপ জিলাৰ বকো সমষ্টিৰ মন্দিৰা আৰক্ষী চকীৰ অন্তৰ্গত মন্দিৰা এন চিত সোমবাৰে এগৰাকী অচিনাকী লোকৰ মৃতদেহ উদ্ধাৰ হোৱা ঘটনাই অঞ্চলজুৰি তীব্ৰ চাঞ্চল্যৰ সৃষ্টি হৈছে। জানিব পৰা মতে পুৱাৰ ভাগত মৃতদেহটো জলজলি নদীৰে উটি আহি থকা দেখি একাংশ লোকে ছমৰীয়া আৰক্ষীক খবৰ দিয়ে যদিও ছমৰীয়া আৰক্ষীয়ে মৃতদেহটো উদ্ধাৰ নকৰাত মন্দিৰা এন চিত আবদ্ধ হয়।

ঘটনা সন্দৰ্ভত একাংশ লোকে পৰৱৰ্তী সময়ত মন্দিৰা আৰক্ষী চকীত খবৰ দিয়াত মন্দিৰা আৰক্ষীয়ে ঘটনাস্থলীত উপস্থিত হৈ মৃতদেহটো উদ্ধাৰ কৰি থানালৈ আনে। জিনছ লংপেণ্ট পৰিহিত অৰ্ধগলিত মৃতদেহটো চিনাক্ত হোৱা নাই। ইপিনে ছমৰীয়া আৰক্ষীয়ে মৃতদেহটো উদ্ধাৰ নকৰা কাৰ্যটো একাংশই প্ৰতিক্ৰিয়া ব্যক্ত কৰিছে আৰু এনে আৰক্ষীৰ বিৰুদ্ধে ব্যৱস্থা গ্ৰহণ কৰিবলৈ আৰক্ষী অধীক্ষকক সচেতন মহলে দাবী জনাইছে।