গোৰেশ্বৰত শুকান পলসৰ পথাৰত কৃষকৰ সোণোৱালী সপোন

গোৰেশ্বৰঃ বানে ধোৱা পথাৰত কৃষকৰ হাহাকাৰ। বানৰ পিছত শুকাইছে শাওণৰ পথাৰ। পলসৰ তলত গোৰেশ্বৰৰ পশ্চিম নাওকাটাৰ কৃষিভূমি। এতিয়া মুৰে কপালে হাত দিব লগা হৈছে কৃষকে৷ বানে বিধ্বস্ত কৰিছে গোৰেশ্বৰৰ পশ্চিম নাওকাটাৰ বিস্তৃত কৃষিভূমি৷ সপোনৰ কৃষিভূমিত বানে ধুইছে আৰু পলশে পুতিছে৷ বানৰ সংহাৰে এতিয়া কৃষকক দিছে মাধমাৰ৷

পুনৰ সপোনৰ খেতিডৰা জীপালৰ চেষ্টা কৰিছে কৃষকসকলে। পলশে পুতি থোৱা কৃষিভূমিত পুনৰ ৰোৱনীয়ে ৰুইছে ভুঁই৷ শুকান পলসৰ পথাৰত আশাৰে নামিছে এইসকলে। সোণোৱালী পথাৰৰ সপোন ৰছি পুনৰ শাওণৰ পথাৰত কৃষকসকল৷ এতিয়া কৃষকৰ সপোনৰ পথাৰত পৰিছে ৰোৱনীৰ হাতৰ পৰশ৷