গুজৰাটৰ বৰোদাত ঘৰিয়ালৰ আতংক

ডিজিটেল ডেস্কঃ বিগত কিছুদিন ধৰি হোৱা ধাৰাষাৰ বৰষুণৰ ফলত গুজৰাটৰ কেইবা ঠাইতো কৃত্ৰিম বানৰ সৃষ্টি হয়। যাৰ ফলত চৌদিশ পানীৰে ভৰি পৰে। সেই সময়তে এটা ভিডিঅ' ছ’চিয়েল মিডিয়াত বিয়পি পৰে। ভিডিঅ'টোত পানীৰে ভৰা এটা অঞ্চলত দুটা কুকুৰ ৰৈ থকা অৱস্থাত এটা প্ৰকাণ্ড ঘৰিয়াল কুকুৰটোক আক্ৰমণ কৰে।

কিন্তু ভাগ্য ক্ৰমে কুকুৰটো সাৰি যাবলৈ সক্ষম হয়। জানিব পৰা মতে গুজৰাটৰ চহৰৰ মাজমজিয়াত কেইবা ঠাইতো জনসাধাৰণে ঘৰিয়াল প্ৰত্যক্ষ কৰে। গুজৰাটৰ প্ৰশাসনে বৰ্তমান ঘৰিয়ালকেইটাক উদ্ধাৰ কৰিবলৈ চেষ্টা কৰি আছে যদিও সক্ষম হোৱা নাই।