ডোমৰদলং চাহ বাগিচাত দুটা ফৈদৰ মাজত মাৰপিট

মৰাণঃ চৰাইদেউ জিলা মৰাণহাট আৰক্ষী থানাৰ অন্তৰ্গত তথা চেপন আৰক্ষী চকী অধীনস্থ চেপনৰ সমীপৰ ডোমৰদলং চাহ বাগিচাত খৰিক লৈ সংঘটিত হয় কাজিয়া। এই কাজিয়াই দুটা গোষ্ঠীৰ মাজত হয় মাৰপিট। ফলত উত্তপ্ত পৰিবেশৰ সৃষ্টি হয় বাগিচাখনত। বাগিচাখনৰ ৩ নং লাইনৰ অমিত তাঁতীক গোষ্ঠীগত সংৰ্ঘষ সৃষ্টি কৰিবলৈ বিচৰা অভিযোগ উত্থাপন কৰি চাওঁৰা জনগোষ্ঠীটোৱে চেপন আৰক্ষী চকী ঘেৰাও কৰে অমিত তাঁতীক গ্ৰেপ্তাৰ কৰিবলৈ।

উল্লেখ্য যে বাগিচাখনৰ ১ নং লাইনৰ অৰুণ চাওঁৰাক খৰিৰ কাৰণেই মাৰপিট কৰিছিল ৩ নং লাইনৰ অমিত তাঁতীয়ে আৰু চাওঁৰা জনগোষ্ঠীকে অশ্লীল ভাষাৰে গালি গালাজ কৰিছিল বুলি অভিযোগ তুলিছে। আনহাতে আহত অৰুণ চাওঁৰাক  মৰাণ ৰাজ্যিক চিকিৎসালয়ত ভৰ্তি কৰিছে।