বৰপেটাঃ সমাগত লোকসভা নিৰ্বাচন। ৰাজনৈতিক কুচকাৱাজত ব্যস্ত সকলো। ৰাইজক মুহিবলৈ ন ন আখৰাৰে ৰাজনৈতিক দলসমূহে নিৰ্বাচনী প্ৰচাৰ চলাই আছে। এই ক্ষেত্ৰত পিছ পৰি ৰোৱা নাই ২৩ এপ্ৰিলত তৃতীয় পৰ্য্যায়ত অনুষ্ঠিত হ’ব লগা ৬নং বৰপেটা লোকসভা সমষ্টিৰ এ আই ইউ ডি এফ-ৰ প্ৰাৰ্থী হাফিজ ৰফিকুল ইছলাম।
বৰপেটা লোকসভা সমষ্টিত নিৰ্বাচনী প্ৰচাৰ চলাই তেওঁ কয় যে বিজেপি অসমত শংকিত হৈছে আৰু বিজেপিৰ নেতাসকলে এতিয়া যিকোনো কথাতে আবুল-তাবুল বকিবলৈ লৈছে। ৰাইজে এইবাৰ আৰু বিজেপিক বিশ্বাসত নলয়।
তেওঁ লগতে কয় যে অসমত বিজেপিক পৰাভূত কৰিবলৈ আৰু অসমীয়াৰ স্বাৰ্থত এ ইউ ডি এফে তিনিটা সমষ্টিত প্ৰাৰ্থিত্ব প্ৰদান কৰিছে আৰু এই তিনিটা সমষ্টিত এ ইউ ডি এফ-ৰ প্ৰাৰ্থীৰ বিজয় নিশ্চিত বুলি কয়। কংগ্ৰেছ আৰু এ ইউ ডি এফ-ৰ মিত্ৰতা সন্দৰ্ভত তেওঁ কয় যে কংগ্ৰেছ দলৰ সৈতে এ ইউ ডি এফ-ৰ কোনো মিত্ৰতা হোৱা নাই। প্ৰাৰ্থীজনে সমষ্টিটোৰ বিভিন্ন ধৰ্মীয় অনুষ্ঠানৰ লগতে ৰাস্তা ঘাট,বজাৰ আদি ৰাজহুৱা স্থানত ৰাইজৰ আশীৰ্বাদ লোৱা দেখা গৈছে।
