মহানগৰীৰ হোটেল মা-কালীত ওলমিল তলা

গুৱাহাটীঃ খাদ্য সুৰক্ষা বিভাগে শুকুৰবাৰে পুৱা তলা ওলোমালে মহানগৰীৰ হোটেল মা-কালীত। ৭ দিনৰ বাবে বন্ধ কৰা হয় হোটেলখন। খাদ্য সুৰক্ষা বিষয়া চম্পক পাঠকে জানিবলৈ দিয়া অনুসৰি তেওঁৰ নেতৃত্বত বুধবাৰে খাদ্য সুৰক্ষা বিভাগে এক অভিযান চলাইছিল পল্টন বজাৰস্থিত মা-কালী হোটেলত। অভিযানৰ সময়ত হোটেলখনৰ ৰন্ধনশালা অপৰিস্কাৰ অৱস্থাত প্ৰত্যক্ষ কৰে খাদ্য সুৰক্ষা বিভাগৰ দলটোৱে।

লগতে এক অস্বাস্থ্যকৰ পৰিৱেশৰ মাজতে পাকঘৰটো ৰাখিছে হোটেল কৰ্তৃপক্ষই। অস্বাস্থ্যকৰ পৰিৱেশৰ মাজত গ্ৰাহকক ‘সু-স্বাদু’ ব্যঞ্জনৰ যোগান ধৰি অহা হেতুকে খাদ্য সুৰক্ষা বিষয়া চম্পক পাঠকে বৃহস্পতিবাৰে হোটেলৰ মালিক দিলীপ পদ্দাৰলৈ এক জাননী জাৰি কৰি শুকুৰবাৰৰ পৰা এসপ্তাহৰ বাবে হোটেলখন বন্ধ ৰখাৰ নিৰ্দেশ দিয়ে।