মৰিগাঁৱৰ ভূৰবন্ধাত চোৰাং চাউল জব্দ

মৰিগাঁওঃ মৰিগাঁও জিলাৰ ভূৰবন্ধাত শুকুৰবাৰে পাঁচ কুইণ্টল চোৰাং চাউল ৰাইজৰ সহযোগত জব্দ কৰি আৰক্ষীক চমজাই দিয়ে।জানিব পৰা মতে লাহৰিঘাট সমষ্টি বৱালগুৰি ছাইদ আলি নামৰ এজন লোকে উক্ত চাউলখিনি নম্বৰবিহীন এখন টেম্পুত লৈ বিক্ৰী কৰিব আনোতে সোধ-পোছ কৰাত তেওঁ প্ৰথমে লাহৰিঘাটৰ দোকানৰ পৰা কিনি অনা বুলি কৈছিল যদিও সাংবাদিকে কৌশলেৰে প্ৰশ্ন কৰাত পিছত তেওঁ সেই চাউল যে চোৰাং ভাবে আনিছে সেইটো ওলাই পৰে। পৰবৰ্ত্তী সময়ত ছেগ বুজি ছাইদ আলি পলাই যায় যদিও চুৰি চাউলখিনি আৰক্ষীক চমজাই দিয়ে।