বৰপেটাত স্বাধীনতা দিৱস পালনঃ পতাকা উত্তোলন কৰে মন্ত্ৰী প্ৰমীলাৰাণী ব্ৰহ্মই

বৰপেটাঃ সমগ্ৰ দেশৰ লগতে বৰপেটা জিলাতো আজি ৭৩ সংখ্যক স্বাধীনতা দিৱস পালন কৰা হয়। বৰপেটা চৰকাৰী উচ্চতৰ মাধ্যমিক বিদ্যালয়ৰ খেলপথাৰত কেন্দ্ৰীয়ভাবে আয়োজন কৰা স্বাধীনতা দিৱসৰ পতাকা উত্তোলন কৰে সমাজ কল্যাণ মন্ত্ৰী প্ৰমীলাৰাণী ব্ৰহ্মই। পতাকা উত্তোলন কৰি মন্ত্ৰীগৰাকীয়ে চৰকাৰে ৰূপায়ণ কৰি থকা বিভিন্ন আঁচনিৰ বিষয়ে ৰাইজক অৱগত কৰায়৷

এই আঁচনিৰ জৰিয়তে সৰ্বসাধাৰণ ৰাইজে যথেষ্ট সুফল লাভ কৰা বুলি তেওঁ কয়। ইয়াৰ পিছতে মন্ত্ৰীগৰাকীয়ে পেৰেডত অংশগ্ৰহণ কৰি বিভিন্ন বাহিনী আৰু ছাত্ৰ-ছাত্ৰীৰ দ্বাৰা প্ৰদৰ্শন কৰা কুচ-কাৱাজৰ অভিবাদন গ্ৰহণ কৰে। এই কাৰ্যসূচীতে জিলাখনৰ ক্ৰীড়াবিদ, কৃষক, মীনপালক আদিক সম্বৰ্ধনা জনায়।