মঙলদৈ কাছাৰী ময়দানত স্বাধীনতা দিৱস পালন

মঙলদৈঃ মঙলদৈ কাছাৰী ময়দানত জিলা প্ৰশাসনৰ উদ্যোগত অনুষ্ঠিত হয় ৭৩ সংখ্যক স্বাধীনতা দিৱস। মন্ত্ৰী ভবেশ কলিতাই উত্তোলন কৰে ৰাষ্ট্ৰীয় পতাকা। পেৰেডত অংশগ্রহণ কৰে অসম পুলিচ, মঙ্গলদৈ চৰকাৰী উচ্চতৰ মাধ্যমিক বিদ্যালয়ৰ এনচিচি, মঙ্গলদৈ মহাবিদ্যালয় এনচিচিৰ লগতে কেইবাখনো চৰকাৰী বিদ্যালয়ৰ স্কাউট-গাইডৰ ছাত্ৰ-ছাত্ৰীসকলে।

পেৰেড অন্ত পৰাৰ লগে লগে দৰঙৰ কেইবাখনো সাংস্কৃতিক অনুষ্ঠানে বাৰেৰহনীয়া সংস্কৃতিক কাৰ্যসূচী পৰিবেশন কৰে। অনুষ্ঠানত দৰঙী কলাকৃষ্টি পৰিবেশন কৰাৰ উপৰি দেশভক্তিমূলক গীতত শিল্পীসকলে নৃত্য পৰিবেশন কৰি দৰ্শকক আপ্লুত কৰে।