গহপুৰত স্বৰ্গীয় যোগেশ্বৰ তাঁতি সোঁৱৰণী চলন্ত ট্ৰফী ফুটবল খেলৰ সামৰণি

গহপুৰঃ গহপুৰৰ ডফলাগড়ত স্থানীয় য়ুথ ক্লাৱৰ সৌজন্যত অনুষ্ঠিত হোৱা স্বৰ্গীয় যোগেশ্বৰ তাঁতি সোঁৱৰণী চলন্ত ট্ৰফী ফুটবলৰ চূড়ান্ত খেলখন স্বাধীনতা দিৱসৰ দিনা অনুষ্ঠিত হয়। বিশ্বনাথৰ বালিজুৰি এফ চি আৰু বিহালী এফ চিৰ মাজত অনুষ্ঠিত হোৱা ফাইনেল খেলখনৰ সমাপ্তি ঘটিল ৫-১ গলত।

বালিজুলি এফ চিয়ে বিহালী এফ চিক ৫ টাকৈ গ'ল দি বিজয় মুকুট পিন্ধিবলৈ সক্ষম হ'ল। উল্লেখ্য যে যোৱা ৪ আগষ্টত আৰম্ভ হোৱা ফুটবল প্ৰতিযোগিতাখনৰ পৰিসমাপ্তি ঘটে স্বাধীনতা দিৱসৰ আনন্দময় পৰিবেশৰ মাজতে।