বটদ্ৰৱাত তীৰ, মদ, জুৱাৰ বিৰুদ্ধে সমদল

টুকটুকীঃ নগাঁও জিলাৰ পশ্চিম প্ৰান্তত দিনক দিনে অসমাজিক কাৰ্য কলাপ বৃদ্ধি পাই অহাৰ সময়তে আজি সংখ্যালঘূ যুৱ ফেডাৰেচন(অসম)ৰ উদ্যোগত আমছুৰ বটদ্ৰৱা আঞ্চলিকৰ সহযোগত এক প্ৰতিবাদী কাৰ্যসূচী হাতত লয়। দিনৰ ১১বজাত বটদ্ৰৱা থানাৰ অন্তৰ্গত হাইডুবিত অনুষ্ঠিত হোৱা সভাখনত সংখ্যালঘূ যুৱ ফেডাৰেচন(অসম)ৰ সম্পাদক আশাদুল হক চৌধুৰীয়ে আঁত ধৰা সভাখনত আমছুৰ নগাঁও জিলাৰ উপ-সভাপতি আবুল হুছেইন আৰু ফেডাৰেচনৰ নগাঁও জিলাৰ সভাপতি আনচাৰুল হকে কয়যে-সমাজখন আগুৱাই যাবলৈ হলে সমাজৰ শিক্ষিত আৰু মুখীয়াল সকলে অসমাজিক কাৰ্যকলাপত বাধা দিব লাগিব।

ইয়াৰ পিছত হাইডুবি ৰামপুৰ আৰু কদমণিত গাঁৱত হাতে হাতে প্লে-কাৰ্ড বেনাৰ লৈ তেওঁ লোকে মদ, তীৰ, জুৱাৰ বিৰুদ্ধে এক ধৱনিৰে আকাশ বতাহ কঁপাই তোলে। সমাজৰ পৰা এনেধৰণৰ ব্যাধি আঁতৰাবলৈ উলিওৱা সমদলটোত অঞ্চলটোৰ প্ৰায় দুই শতাধিক লোক উপস্থিত আছিল।