10/05/2019 - 17:59
in
বটদ্ৰৱাঃ নগাঁও জিলাৰ জাজৰি আৰক্ষী থানাৰ অন্তৰ্গত ৰাইদঙীয়াত সংঘটিত হোৱা এক পথ দুৰ্ঘটনাত এগৰাকী মহিলা গুৰুতৰভাৱে আহত হয়। প্ৰাপ্ত খবৰ অনুসৰি শনিবাৰে বিয়লি ৩ বজাত নগাঁও - ধিং সংযোগী গড়কাপ্তানি পথেৰে তীব্ৰ বেগত আহি থকা নম্বৰ প্লেটবিহীন এখন টেম্প'য়ে এচ ০১ বি বি ৬৭৭৫ নম্বৰৰ মটৰ চাইকেলখনত প্ৰচণ্ড জোৰেৰে খুন্দা মাৰি নিয়ন্ত্ৰণ হেৰুৱাই দ খাৱৈত বাগৰি পৰে।
লগে-লগে স্থানীয় ৰাইজৰ সহযোগত গুৰুতৰভাৱে আহত টেম্প' আৰোহী আপছানা খাতুনক সংকটজনক অৱস্থাত নগাঁও ভোগেশ্বৰী ফুকননী অসামৰিক চিকিৎসালয়ত প্ৰেৰণ কৰে। আনহাতে দুৰ্ঘটনা সংঘটিত কৰিয়েই টেম্প'ৰ চালকজনে ঘটনাস্থলীৰ পৰা পলায়ণ কৰে।