10/13/2019 - 16:10
in
ধুবুৰীঃ ধুবুৰী জিলাৰ গোলকগঞ্জৰ ভিতৰুৱা অঞ্চলত আৰক্ষীয়ে অভিযান চলাই দুজন চোৰাং চিকাৰীৰ লগতে এটা বনৰৌ উদ্ধাৰ কৰে৷ চোৰাং চিকাৰী দুজন ক্ৰমে ছামছুল হক আৰু জিয়াৰুল হক বুলি জানিব পৰা গৈছে৷ আৰক্ষীৰ মতে বনৰৌটো পশ্চিমবংগৰ ঘন জংঘলৰ পৰা আনিছে বিক্ৰী কৰিবৰ বাবে।
কিন্তু গোপনসূত্ৰৰ ভিত্তিত গোলকগঞ্জ থানাৰ আৰক্ষীয়ে বনৰৌটোৰ লগতে দুজন চোৰাং চিকাৰী উদ্ধাৰ কৰিবলৈ সক্ষম হয়৷ আৰক্ষীয়ে বনৰৌটো ধুবুৰী বন সংমণ্ডল প্ৰাধিকৰণ কাৰ্যালয়ত সমজাই দিয়ে। বৰ্তমানে ধুবুৰী আৰক্ষীয়ে চোৰাং চিকাৰী দুজনৰ বিৰুদ্ধে তদন্ত আৰু জেৰা অব্যাহত ৰাখিছে।